सांगोला/ नाना हालंगडे
सांगोला तालुक्यात मागील चार दिवसापासून पावसाळा जोर वाढला असून जनजीवन विस्कळित झाले आहे. रविवार सायंकाळी सातच्या सुमारास घेरडी-जत रोडवरील पारे येथील पुलावरून मोठ्या प्रमाणात पाण्याचा विसर्ग सुरू झाल्याने बऱ्याच वेळ वाहतूक विस्कळीत झाली.
पुलावर तीन ते चार फूट पाणी असल्याने हलक्या व मध्यम स्वरूपाच्या वाहनांना हा पूल ओलांडणे शक्य नाही. त्यामुळे घेरडी ते जत मार्गावरील सर्व वाहतूक या पुलाच्या आजूबाजूला खोळंबली आहे. वरील भागात मोठ्या प्रमाणात पाऊस झाल्याने तेथील पाणी या पुलावर आले आहे. सतत कोसळणाऱ्या पावसामुळे या भागातील ओढे नाले तुडुंब भरले आहेत. पारे येथील ब्रिटिशकालीन तलावही काठोकाठ भरला आहे.
https://youtu.be/ld4j8ZWX-1s
या पावसामुळे शेतातील कामे मोठ्या प्रमाणात खोळंबली आहेत.
घेरडी – जत रोडवरील पारे येथील पूल मोठ्या प्रमाणात खचला आहे. हाच पूल खड्ड्यांनी व्यापला आहे. अशातच गेली चार दिवसापासून कोसळत असलेल्या पाऊसामुळे हा पूल रविवारी सायंकाळी पाण्याखाली गेला. यामुळे वाहनधारकांना तारेवरची कसरत करावी लागत आहे. रात्री आठ नंतर याच पाण्याचा प्रवाह मोठ्या प्रमाणात वाढला आहे. या पाऊसामुळे सर्वत्र हाहाकार माजला आहे.
या परतीच्या पावसाने शेती पिकांचे मोठे नुकसान होत आहे. हा परतीचा पाऊस सांगोला तालुक्यातील अनेक गावांमध्ये कोसळत आहे.
मुख्यमंत्र्यांचा गोंधळ! चुकून यशवंत मनोहरांना वाहिली श्रद्धांजली
